“Mi Ruta” ta guia e hoben cu enseñansa na midi pa asina e logra obtene un diploma di scol secundario cu un programa acredita di “homeschooling” of “online school”.
Informacion di “Mi Ruta”
Mi Ruta a wordo lanta oficialmente na augustus 2019 y tin 5 miembro di bestuur.
Miembronan di bestuur
- Presidente: Gregory Tromp (Service and Quality manager at Guardian Group Fatum)
- Tesorero: Natalie Carlo (ex-docente EPI)
- Secretaris: Vera Angela (ex Secretaria Simar)
- Bestuurleden: Mylène Arends (docente EPI) / Giorene Carlo (entrepreneur)
Our Mission
- Guia alumno di 12-17 aña cu no por bay scol regular, pa via di cierto condicion cu nan tin. Mi Ruta lo prepara e hoben pa asina e por obtene un diploma di scol secundario via homeschooling of online school.
- E guia lo tuma luga den un ambiente rustig, trankilo di cas y lo tene cuenta cu e necesidadnan personal di e alumno. Lo brinda flexibilidad pa cu horario, curiculo y lo tene cuenta cu e “tempo” di e alumno.
- Stimula e alumnonan den nan desaroyo pa nan por logra yega nan potencial y bira miembro valioso di nos comunidad.
Our Vision
- Bira un scol exitoso cu ta pa grupo di mucha di diferente condicion (dyslexia, adhd, autisme spectrum, etc);
- Incorpora mas material di les online ;
- Ofrece otro actividad manera entre otro obra di man, lectura, horticultura, mindfulness y meditacion, yoga;
- Duna oportunidad y encurasha specialisacion riba diferente tereno (entre otro educacion special y coaching) di lider di programa/ begeleiders/docenten di e fundacion.
Nos servicionan
Na e hobennan aki, di 12-17 aña cu no por bay scol regular, pa via di cierto condicion cu nan tin. Fundacion “Mi Ruta” ta ofrece:
- Guia den ambiente di cas trankil y sigur;
- Den un grupo chikito;
- Flexibilidad den curiculo;
- Basa riba e necesidadnan di e hoben;
- Actividadnan extra curicular (arte y movecion).
Por guia hobennan cu ta sigui un programa priva na ingles of hulandes. Ehempelnan di programanan di enseñsa online ta: Time4Learning, Excel High School y wereldschool.nl.
Caracteristicanan di e hoben
Nos ta guia hobennan cu no por bay scol regular pasobra p.e.:
- Nan ta cansa lihe
- Ta bira nervioso den grupo grandi
- Falta di concentracion
- Mucho stimulacion (Luz, desordo, movecion)
- Situacion social ta dificil pa nan compronde
- Cambio di lokaal pa cada materia ta dificil pa nan
- E “tempo” di e hoben no ta cuadra cu e “tempo” di e scol.
Ta importante si cu e hoben ta capabel pa por studia independiente pasobra e lo ta parti di un grupo di max. 10 studiante.
Contribucion
Tur aña, mayornan tin cu paga awg100,- na momento di inscribi nan yiu y 200,- na aircogeld. Inscripcion ta tuma luga tur aña. Contribucion pa aña pa e programa di enseñansa ta depende di e opcion cu escohe: